南島環島遊 (day 9) 超藍的湖Lake Pukaki，達陣Mt. Cook

今日係Oamaru遲咗少少起身，食完個早餐，就去咗攪張死人牛肉乾。發生咩事？就係尋日係Dunedin泊車過咗鐘俾人罰錢，點知連張肉乾都唔見埋，要去差館同去District court攪一輪再俾人老點咗一輪先攪得番交錢個方法。

攪完之後，我哋就出發去Mt. Cook─紐西蘭最高的嘅白帽山。日本嘅象徵山係富士山，而呢邊就係呢座Mt. Cook。

先先我哋途經一個超細鎮仔名叫Twizel。其實完全冇乜特別，只係我有個朋友嚟咗呢到打工做收銀，咁啱我哋又會經過呢到所以去咗同佢傾吓計吹吓水。見佢好似肥咗又黑咗，但又過得幾好咁我都覺得幾欣慰，因為某程度上係我游說佢今年嚟紐西蘭。但俾著我係個咁細嘅鎮過真會喊出嚟，真心悶都悶死。

中途我哋路過Lake Pukaki，一個我覺得係呢邊最藍最靚嘅湖之一。我一早都同d 朋友提過呢個湖，今日終於路過，佢咃都睇到o哂嘴。

最後達陣Mt. Cook，但check-in 之後已經五點。所以就去咗行咗條短track就番屋企煮飯。條短track其實都有d 失望，得d 灰色嘅冰川水同埋一個綠色嘅Blue lake，完全唔覺得靚。食完飯本來仲話聽旅舍d 人講去睇"sunset"，點知搵唔到佢講果條路。最後發現完來佢講嘅係座山變色，攪到仲以為真係有夕陽睇。

聽日朝早我哋會神早就出去行長track，今晚唔寫咁長早d 瞓算啦。