漂泊的搵工、等工生活

辭咗職，連住地獄宿舍都要俾人趕走，但點都要解決後者問題先。

好好彩，咁啱我朋友住緊個sharehouse 有房，二人房佢哋兩個人包咗，所以我就去咗打地鋪啦。係就係迫夾d，但總好過冇地方瞓都冇要瞓車瞓街啦，起碼有地方煮食、沖涼同瞓啦叫做。

解決咗住嘅問題，就到工作嘅問題啦。之前我仲幫朋友去搵工，車佢哋去walk-in，當時我就un un腳等番工睇住佢哋係到煩冇工番，但風水輪流轉，家陣佢哋有哂工番，我就...sosad。

宜家正值最難搵工嘅時間，基本上問咗好多間嘅答覆都一樣：等一月你再嚟問啦。因為宜家係聖誕節，大家都收緊爐，同埋cherry 預計最多應該係around 1月，所以大家都唔敢貿貿然請人住。

冇計，可以做嘅就係等啦。但我覺得其實我有經驗(雖然係幾日) 同有車，會比較上易俾人請d。我可以做嘅暫時都做咗啦，真係唯有祝自己好運。